Språkrådet er statens forvaltningsorgan i språkspørsmål og følgjer opp den norske språkpolitikken på oppdrag frå Kultur- og likestillingsdepartementet. Vi held til sentralt i Oslo og har rundt 40 tilsette. Vi arbeider for å styrke det norske språket og språkmangfaldet i Noreg.
Vil du leie kommunikasjonsarbeidet i Språkrådet? Vi har ledig stilling som kommunikasjonssjef!
I Språkrådet har vi ledig stilling som kommunikasjonssjef. Som tilsett i denne stillinga får du hovudansvaret for kommunikasjonsarbeidet i Språkrådet, og du vil vere fagleiar for kommunikasjonsmedarbeidarane.
Arbeidsoppgåver
Vi ønskjer oss ein kommunikasjonssjef som skal drive strategisk og operativt kommunikasjonsarbeid med utgangspunkt i strategiane og måla til Språkrådet. Sentrale oppgåver i stillinga er å
utvikle og leie implementeringa av kommunikasjonsstrategien til Språkrådet
planleggje intern og ekstern kommunikasjon
samarbeide med fagavdelingane i Språkrådet om å utarbeide og gjennomføre kommunikasjonsplanar
handtere førespurnader frå media
utvikle og selje inn eigne saker til media
utvikle kommunikasjonskanalane til Språkrådet slik at dei blir effektive kanalar i arbeidet med å nå dei overordna måla for verksemda
analysere og evaluere effekten av kommunikasjonsaktivitetane
samordne og leie det operative kommunikasjonsarbeidet
vere fagleg leiar for kommunikasjonsmedarbeidarane
Kommunikasjonssjefen skal samarbeide tett med direktøren og stabssjefen og møter i leiargruppa ved behov.
Kvalifikasjonar
Vi ønskjer oss ein kommunikasjonssjef som har høgare utdanning med kommunikasjonsfag ifagkrinsen. Relevant arbeidserfaring kan vege opp for manglande formalkompetanse.Den som søkjer stillinga, må kunne vise til
dokumentert erfaring med strategisk kommunikasjonsarbeid
relevant erfaring med fagleiing
gode kommunikasjonsfaglege resultat
solid kunnskap om korleis ein skapar engasjement i digitale kanalar
god kunnskap om bruk av analyseverktøy som gir innsikt i om ein lukkast med innhald i digitale kanalar
god rolle- og samfunnsforståing, kunnskap om politiske prosessar og god kunnskap om norsk offentleg forvaltning
svært god formuleringsevne og solid kompetanse i norsk (både nynorsk og bokmål)
Vi ser etter ein person som er strategisk dyktig og svært god til å samarbeide. Det er viktig at du kan arbeide overordna og heilskapleg, og at du kan setje deg raskt inn i store fagsaker. Du likar utfordringar og tek initiativ til å gjere noko med dei. Du ser moglegheiter, er rik på idéar og har gjennomføringskraft til å setje dei ut i livet. Dessutan involverer du andre i arbeidet ditt, og du deler kunnskapen din. Du er komfortabel med å ha mykje kontakt med andre menneske, både internt i organisasjonen og eksternt, og har gjerne erfaring med mediearbeid. Du jobbar strategisk og systematisk og har stor evne til å gjennomføre, samtidig som du forstår kor viktig det er å forankre og kvalitetssikre prosessane. I stillinga blir det lagt stor vekt på personlege eigenskapar.
Hos oss får du
interessante faglege utfordringar i ein organisasjon med eit viktig samfunnsoppdrag
eit hyggeleg og sterkt fagmiljø med kunnskapsrike og erfarne kollegaer
fagleg utvikling
moderne og trivelege kontorlokale sentralt i Oslo med innandørs sykkelparkering og kort veg til kollektivnettet
subsidiert kantine
fleksibel arbeidstid
høve til å arbeide på heimekontor (etter nærare avtale)
høve til å trene i arbeidstida
medlemskap i Statens pensjonskasse
Stillinga blir plassert som fagdirektør i stillingskode 1538 med ei årsløn på 800 000–910 000 kroner, alt etter kvalifikasjonar og erfaring. For særleg kvalifiserte søkjarar kan vi vurdere høgare lønn.
Språkrådet meiner at inkludering og mangfald i arbeidslivet gjer at vi kan utføre samfunnsoppdraget vårt på ein god måte. Difor ønskjer vi medarbeidarar med variert kompetanse og livserfaring og ulike fagkombinasjonar og perspektiv. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar frå kvar av desse gruppene til intervju. For å bli vurdert som søkjar i desse gruppene, det vil seie å bli positivt særbehandla på denne måten, må søkjaren oppfylle visse krav. Les meir om krava på Arbeidsgivarportalen (https://arbeidsgiver.difi.no/positivsaerbehandling). Vi vil leggje til rette for medarbeidarar som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar og arbeidstid.
Vi oppmodar søkjarar om å krysse av i jobbsøkjarportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen blir brukte til anonymisert statistikk som alle statlege verksemder rapporterer om i årsrapportane sine.
Vi gjer merksam på at opplysningar om søkjarane kan bli gjorde offentlege sjølv om søkjarane har bede om å ikkje bli førte opp på søkjarlista, jamfør offentleglova § 25.
For å sikre ei grundig og rettferdig vurdering av kandidatane nyttar vi den arbeidspsykologiske testen People Test Person (PTP) i rekrutteringsprosessen. Testen vil bli gjennomført av ein ekstern samarbeidspartnar og vil berre bli brukt på kandidatar som går vidare frå førstegongsintervjuet.
