STILLING LEDIG:

Framtidsfylket AS søker kommunikasjons­rådgjevar

Om du meiner at du kan hjelpe oss med å motbevise utsegna i bildet over, vil vi gjerne høyre frå deg.

Informasjon om stillingen:

Stillingstype: Fast

Arbeidssted: Sunnfjord

Søknadsfrist: 22. mai

Om arbeidsgiver

Om arbeidsgiver

Framtidsfylket jobbar med å løfte fram ein av Norges mest spennande og framtidsretta arbeidsregionar. Det gjer vi gjennom kommunikasjon, kampanjar, karrieremesse, kurs, og vårt eige traineeprogram. Målet er at fleire skal oppdage at vestlandslivet er .... livet, og søke jobb i distriktet. Som vi så stolt seier: For nokre handlar det gode liv om karriere, for andre om fritid. Og så er det vi som vil ha begge deler.

Etter at Sogn og Fjordane + Hordaland = Vestland, bestemte vi oss for å satse i heile storfylket. Derfor ønsker vi oss fleire engasjerte medarbeidarar som kan sette ny kurs for rekruttering til fylket.

Vi har nemleg ledig stilling som kommunikasjonsrådgjevar med stor interesse for digital marknadsføring.

Velkommen til oss

Vi håpar du er på plass etter sommarferien, full av energi, D-vitaminar og arbeidslyst. Send ein søknad til [email protected] der du fortel om deg sjølv, din store kjærleik til Vestland og kva du kan utrette for oss.

Arbeidsoppgåver

  • Produsere innhald til nettsida vår
  • Publisere og engasjere i sosiale medium
  • Planlegge og gjennomføre kampanjar
  • Planlegge og gjennomføre superkule arrangement
  • Sette opp og sende ut nyheitsbrev
  • Potet-arbeid
  • Rådgje kundar innan rekrutteringskommunikasjon

Om deg

Vi ser etter ein person med kompetanse og idear om korleis vi kan inspirere fleire til å sjekke ut arbeidsmarknaden i Distrikts-Vestland, og som kan få tenning på arbeidslivet her og verdien av å synleggjere det. Hos oss blir du ein av fire som elskar vestlandslivet – og likar å fortelje om det.

Vi tilbyr

Fri arbeidsplass

Kanskje trivst du best i eit pulserande kontorlandskap, kanskje jobbar du best på heimekontor? Vi ønsker at kontorpulten din står i Førde i kontorfellesskapet Peak Sunnfjord, men det er også rom for heimekontor eller ein visitt på vårt kontor i Odda. Du må uansett rekne med ein del reiseaktivitet, både for å besøke kundar, kommunar og kollegaer. Utekontor er også eit alternativ.

Fri ferie og fleksitid

Jobben skal ikkje stå i vegen for at du skal ha ei god fritid eller få familielivet til å fungere. Så lenge du leverer og ditt ansvar er ivaretatt, er det fritt fram for å nyte den éine soldagen på Vestlandet, ta haustferie i februar eller realisere draumen om å bli birøktar.

Trening i arbeidstida

For at du skal trivast, dyrke kreativiteten og prestere, er det lurt å røre litt på seg. Vi er kanskje den einaste arbeidsplassen som har pålagt trening i arbeidstida?

Fagleg utvikling

Det er både fint og nyttig å lære noko nytt. Difor set vi av tid til fagleg utvikling og kompetanseheving.

Kontaktinformasjon

Søknad sendast til [email protected]

Powered by Labrador CMS