Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger. Les meir om kommunikasjons-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Kommunikasjonsavdelinga søker ein dyktig webredaktør
Vil du vere med og forme framtida til UiB sine nettsider - vår viktigaste kanal for kommunikasjon med studentar og tilsette, samt eksterne målgrupper i Norge og over heile verda?
Vi jobbar med å vidareutvikle www.uib.no og ser etter ein erfaren og allsidig webredaktør(seniorrådgjevar) i fast 100% stilling. Stillinga er tilknytt den sentrale kommunikasjonsavdelinga til UiB, eit av Vestlandets største fagmiljø for kommunikasjonsarbeid.
Webredaktøren skal ha ei leiande rolle i arbeidet med utvikling og forvaltning av nettstaden til Universitetet i Bergen
Som webredaktør har du hovudansvar for UiB sine nettsider. Våre nettsider skal ha en standard som bygger opp under vårt faglege ambisjonsnivå for forsking, utdanning, formidling og innovasjon. Nettstaden skal eit heilskapleg preg i design og struktur, og med innhald og tenester som er tilpassa målgruppene.
Du vil også ha ansvar for at nettstaden blir forvalta i samsvar med mål og innhaldsstrategi, samt retningslinjer som gjeld for offentlege nettstader.
Webredaktøren skal forvalte www.uib.no med bidrag frå heile organisasjonen.
Stillinga er lagt til Seksjon for web og design på Kommunikasjonsavdelinga, som har redaksjonelt ansvar og er systemeigar for uib.no. Du vil jobbe i team med dyktige utviklarar, interaksjonsdesignarar og kommunikasjonsrådgjevarar.
Arbeidsoppgåver:
Bidra til at uib.no er aktuell og oppdatert i samsvar med mål og strategiar
Samarbeide med lokale webkontaktar og innhaldsprodusentar
Bruke innsikt og statistikk til å forbetre nettsidene
Forvalte og vidareutvikle innhaldsstrategien for uib.no
Hjelpe med opplæring, kompetansebygging og webrådgjeving
Kvalifikasjonar og eigenskapar:
Kunnskap om brukaroppleving og universell utforming
Kjennskap til verktøy som til dømes Google Analytics og Siteimprove
Relevant erfaring
Søkjarar må ha høgare utdanning på minimum bachelornivå. Relevant erfaring kan kompensere for manglande formell utdanning
Gode språkkunnskapar og evne til å kommunisere skriftleg og munnleg på norsk og engelsk
Det er eit stort pluss om du har:
Erfaring frå større organisasjonar eller bedrifter
Prosjektleiarerfaring
Eit analytisk blikk på digitale plattformar
Kunnskap om klart språk og korleis skrive godt på nett (nettstaden følger krava i mållova)
Personlege eigenskapar og gode samarbeidsevner vil bli vektlagt
Vi kan tilby:
Ein spennande jobbkvardag i eit av Vestlandets største fagmiljø for kommunikasjonsarbeid
Eit inkluderande arbeidsmiljø med høg trivsel
Rom for kreativt arbeid
Moglegheit for personleg ansvar og utvikling
Stilling som seniorrådgjevar (kode 1364) i årslønn 630 000 - 720 000. For særleg kvalifiserte søkjarar kan det verte aktuelt å vurdere høgare løn.
Medlemsskap i Statens pensjonskasse
Stilling i ei inkluderande arbeidslivsverksemd (IA-verksemd)
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
